ياقلبي يااللي للناس !!! كده مسلم//ساميه عبدالله

ياقلبي يااللي للناس !!! كده مسلم
عيش بقا ومن تجاربك اتعلم!!!
لحد امتي هتفضل ساكت وتتألم!!!!!
الدنيا بتديك ضهرها ومن العذاب بتكفيك
تاخد منك الفرحه وللحزن تتوصي بيك
جيت اسالها في يوم قالتلي ارضي باللي ليك
جايز في يوم اضحك وامدها لايديك
تضحك انت وبالامل تتبدل خطاويك
وابعت رساله لحبيب العمر تدمع لها عينيك

يا طير بلغ سلامى لعيون اغلى حبيب
وقوله غصب عنا والبعد ده نصيب ..
وحيات قلبه الحنين دايما منى قريب ..
بصحى على صوت حنانه .. ولا حد واخد مكانه
ده انا ابيع نفسى عشانه .. بس يبطل يغيب..
يا طير بلغ سلامى .. لعيون اغلى حبيب
انا هابعت الرساله يادنيا وهاتحداكي
وبكل ثقه وحنان هامشي بالامل وياكي
واقيد شموع الفرح كده عناقيد
بالورد نفرش طريقنا ولنار الشوق نقيد
وكل خطوه نمشيها تكون محسوبه ونار الشوق تزيد
وباعلي صوتي اندهك ارجع ياغالي من بعيد

مجرد رجاء
ساميه عبدالله