بطلت أصدق كذب///نعمات عماد

(بطلت أصدق كذب)

مستني ايه أبعد
أرجوك بلاش توعد
بطلت اصدق كدب 
كنت ابني أحلامي
وانت في كياني تهد
********
مبقاش يفيد اللوم
كل اللي فيا هموم
متخبيين ف هدوم
ودموع تسيل عالخد
مات اللي كان بينا
ولا عادشي شيء بينا
غير اننا كنا
وطريقنا اصبح سد
********
مستني ايه امشي
جرحي مابينمشي
وعيوني كارها النوم
علشان ماتحلمشي
عاملي ال مصدوم
وهواك طرح لي سموم
عاش قلبي خاضع ليك
لكنه كان موهوم
وفارقنا ده المقسوم
امشي بدون ماترد
بطلت اصدق كدب
بقلمي
نعمات عماد