قال خمتها//حمدى البسيونى

ردا علي الشاعره الراقيه
شمس احمد الاحمدي
.....حاولة الهروب كثيرا....
..........
قال خمتها

ديه حيله وعملتها فيها لتكلمني
وعدتها وفي احسن كافي كنا سوا
لاقيت قلبها مافهوش كلام
ناديت علي الجرسون
قهوه وليمون
وقبل مايجو رميت ظهري ورا
وعملت اني وقعت ودغت
مسكت راسي وقلت انت مين
عينيها بظت وقالت فيه ايه
قلت مش عارف بس انت مين
ضربت علي صدرها يالهوي
قلت فيه ايه بس انت مين
قالت انا اللي اتنسيت من دقايق
انا اللي دابت من كلامي الشفايف
اناالنصيب اللي اتهني وعرفك
انا جرحك وفرحك وطرحك وجناينك
انا اللي حبتها وحروفك مكتوبه
علي القلب وبرمش العين سميتك
انا ومابقتش انا
انا اللي عيشه بحبك عيشة ملكه
انا اللي غنايا عن الفرح من كلامك
انا حبيت اسمي من شفايفك
انا ودلوقت مش انا
بقيت ماضي والماضي اتنسي
بقيت ذكري من سطور الاسي
بقيت والا مش بقيت مش فرقه
قوم نروح والا بلاش نروح
حسيبك لمين ولا اسيبك لنفسي
ياريت ماجيت ولا حبيت
مش خايفه علي انا خايفه عليك
انا روحي تروح ولاانت تروح
اهو انت روحت وروحي بتروح
واغمي عليها......
ملت عليها وبهمسه بااذنيه
ياالي جنايني طرحت يوم لقاك
والنسيم اتمخطر في ساعة صفاك
طل القمر في ليلك وغار ودار
لحقت النجوم تنهيدك كبر واقال الله
علي المرسي حافظ خطاويك
كل يوم عدي بفرحتك بيناديك
انا كان قصدي اسمع منك كلام
معرفش ان العشق يبحطر الغلام
قومي واترمي في حضني بسلام
لاعمري اعمل فيك فصل
ولاحتي زعل باالكلام
حمدى البسيونى